الشورى

ادخل ياجميل وشارك مع على شعبان الشورى

قران كريم.خطب دينية .اسلاميات متنوعة.سؤال وجواب. اغانى عربية واجنبية .شات عربى واجنبى.موسيقى.رنات .رسائل. اقوى موقع للبرامج .


    طريقة عمل العيش البيتى

    شاطر

    alyshaban
    المدير العام

    عدد المساهمات : 480
    تاريخ التسجيل : 16/04/2009

    طريقة عمل العيش البيتى

    مُساهمة من طرف alyshaban في الأحد سبتمبر 16, 2012 6:56 am

    طريقة عمل العيش البيتى

    # الكمية تكفي: 6 أشخاص
    # وقت التحضير: 30 دقيقة
    # وقت الطهي: 30 دقيقة
    # المقادير: ** 3 كوب دقيق (انا هنا استعملت الدقيق البلدى او الاسمر بس انا نخلته من الردة قبل ما استخدمه وومكن تستخدمى
    دقيق الحلويات العادى لو تحبى )
    ** نص معلقة صغيرة ملح
    ** ماء دافئ للعجن
    ** معلقة صغيرة خميرة او قطعة خميرة فى حجم عقلة الاصبع
    ** رشة سكر لذوبان الخميرة
    # التحضير: ** هندوب الاول الخميرة فى ربع كوب ماء دافئ ما رشة سكر صغيرة و ندوب الخميرة و نغطيها
    ( و لو الخميرة ما ارتفعتش بعد خمس دقايق او 10 يعنى بعد ما تحضرى الدضيق و الملح و كدا
    تبقى مش سليمة و اوعى تستخدميها )
    ** دابت الخميرة خلاص و ارتفعت فى الكوب طيب احطها بقى على الدقيق اللى متقلب فيه الملح و ممكن ندوب
    شويه الملح فى شويه ميه صغيرة اللى هنعجن بيها
    **اضيف الماء شويه بشويه لان الدقيق انواع و بيختلف فى امتصاصه للسوائل فى دقيق بيشرب ميه كتير
    و فى دقيق العكس
    ** اعجن كويس حوالى 10 دقايق لحد ما الاقى العجينة بتلزق فى ايدى بسيط جداا و بعدين اغطيها و اسيبها تخمر
    لحد ما يضلعف حجمها و بعدبن اقسمها او اقرصها كور بالحجم اللى انا عايزاه
    ** اسيب كور العجين ترتاح 10 دقايق عشان اقدر افردها و متغلبنيش فى الفرد
    ** هفرد كورة العجين و نفردها (بالنشابةاو المبينة او المستعجلة ) على سطح مرشوش عليه دقيق او ردة
    و بعدين اجيب صنية كبيرة او ترابيزة مرشوش عليها دقيق او رده و ابتدى ارص كل اللى فردته عليها و اخلى بالى
    من اول واحدة فردتها لانها هتكون اول واحدة هتنول شرف دخول الفرن هههههههههههه
    # الطبخ: **خلاصنا فرد الحمد لله .. طيب ياله بينا نشغل الفرن على نار عالية لمده 10 دقايق و بعدين ...لو فرن عادى
    هناخد الرغيف و نحطه على صاج الفرن اللى تحت و لما يقب هناخد المقصوصه و لا البتاعة التانية المربعة
    و نقلب الرغيف عشان وشه يتحمر يعنى دقيقة او اتنين مش اكتر او بقى على حسب فرنك
    ** و لما يطلع من الفرن علاطول يتشال جوة فوطة او قماشة نظيفة و تكون الفوطة دى جوه حله بغطاها او كيس
    عشان العيش يفضل طرى و مش ينشف منى
    ** اما بقى لو الفرن بتاعك بشوايه بردوه هتحطى الرغيف على الصاج اللى تحت و لما يقب تطفى الفرن و تحمريه على الشوايه من فوق
    ( دا لو فرنك الشوايه و الفرن بنفس المفتاح ...عشان كدا الافضل انك تحطى رغفين او ثلاثة )
    # ملاحظات: ** اما لو كان الفرن الشوياه يتشتغل مع بعض سوا فهتشغليهم سوا يسخنوا الفرن و هتحطى الرغيف على الصاج



    و ان شاء الله هيتحمر من فوق و من تحت و لو وشه متحمرش قوى ارفعيه على الشوايه بسيط ( و ان شاء الله مش هتحتاجى

    الحركة دى )

    مع تحيات اخيكم / على شعبان
    01273366832

      الوقت/التاريخ الآن هو الثلاثاء يونيو 19, 2018 10:39 am