الرئيسية
أحدث الصور
التسجيل
دخول
طريقة عمل بيتزا
# الكمية تكفي: 4 أشخاص
# وقت التحضير: 30 دقيقة
# وقت الطهي: 30 دقيقة
# المقادير: كوب دقيق -
4 ملاعق لبن بودره نيدو
- معلقه صغيره ملح -
معلقة كبيره سكر -
معلقتين صغيرتين خميره فوريه -
كوب ماء دافى -
فنجان زيت
مقادير الكاتشب بتاع البيتزا :
بصله مبشوره صغيره -
فصين توم كبار ومفرومين -
واحدة فلفل صغيره ومتقطع -
ملح
وفلفل
وبهارات ( انا بحب الزنجبيل فضفته كمان ) -
كيس صلصه جاهز
مقادير الحشو للوش :
جبنه رومى مبشوره -
فلفل للتزيين مقطع حلقات - ز
يتون اسود على اخر مقطع حلقات
# التحضير: وبالنسبه للخميره نحط عليها معلقة سكر صغيره وندوبها فى شوية ميه ونسيبها ترتفع ودى بعد ما ارتفعت اهى فى الكوبايه ما شاء الله
ودى الصلصه بعد ما اتسبكت على النار :
ركزوا معايا يا فتاتيك ياللى لسه بتتعلموا المعجنات
هننخل الدقيق بمنخل او مصفاه علشان الهوا يتخللها كدا وتنفش وتبقى حلوه وننخل مع الدقيق كل المكونات الجافه اللى هيا
( الدقيق - لبن نيدو - السكر - الملح )
نضيف الماء والزيت والخميره بعد ما تكون ارتفعت ونعجن كويس اوى بمدة 10 دقايق او ربع ساعه على قد ما تقدرى وتلاقى العجينه لمت كدا فى ايدك وبقت حلوه
خلاص عجنا وايدينا وجعتنا من العجن نغطيها بقى بكيس بلاستيك على الوش ونسيبها تخمر كويس لمده ساعه او ساعه ونص على حسب ما تخمر والجو حر ماتقلقوش هتخمر بسرعه ان شاء الله
انا حطيت عليها الكيس وبعدين لفيتها كلها فى كوفرته علشان تخليها تخمر بسرعه
ودى العجينه بعد مرور ساعه ونص بعد ما خمرت قولوا ما شاء الله حجمها تضاعف :
نجيب صينيه متوسطه كدا وندهنها زيت خفيف ونفرد العجينه فيها وهتفرد بسهوله علشان احنا ى الصيف وهتلاقيها مش بتمط اوى وسايحه
وعلى فكره يا بنات المقادير دى عملت معايا صينيه متوسطه وصينيه صغيره
ندهن العجينه بصلصة الكاتشب اللى عملناها بس منكترش علشان تبقى حلوه
# الطبخ: بعد ما دهنا وشها بالصلصه نبدأ بقى نوزع الزيتون والفلفل والجبنه الرومى على الوش
ندخلها بقى الفرن حوالى 20 دقيقه او 25 دقيقه على حسب ما تحسى انها استوت على نار متوسطه وتكونى مسخنه الفرن دقيقتين كدا
وبعدين اختبريها بخله او سكينه من النص لو طلعت نضيفه تبقى خلاص استوت
وهنا بعد ما خلاص استوت يمى يمى تحفه وريحتها كانت قالبه البيت بشكل رهيب
مع تحيات اخيكم / على شعبان
01273366832
